بعد نشرنا في الجريدة مقال للأستاذة
خديجة الكور، تحت عنوان "العنف ضد النساء يستدعي الصمود و مواجهة التسيب في إساءة
استعمال منصات التواصل الاجتماعي"، توصلت الجريدة برد من إحدى السيدات عبر رسالة
عنونتها ب" هذه خديجة الكور"، وختمتها ب "مناضلة_صامتة"، القلم
الحرإذ تنشر هذه الرسالة في إطار المصداقية، والرأي والرأي الآخر، وحق الرد المكفول
الذي يضمنه قانون الصحافة، تتحفظ على بعض ما جاء فيها:
هذه هي خديجة الكور
باراكة من الكذوب و بلا مزايدات و بلا تحريف للحقيقة. حتى
مناضل ما تهجم على مناضلات و قياديات و نساء البام. غير شي تبرهيش خاوي.
الهضرة كلها على خديجة الناطقة و بوحدها. و كلش من الواقع،
و هاك اسمع:
واش هي اللي سكنت في "الهاكا" 8 سنين ، ولا غير
كذوب ؟
واش هي اللي ربحات 460 مليون أجرة بلا التعويضات في 8 سنين
في "الهاكا"، ولا غير كذوب؟
واش هي اللي منين مشى الرفيق إلياس، المعلم اللي كان عارفها
أش تاتسوى، رجعات تاتجري، ولا غير كذوب ؟؟
واش هي اللي طلبات من بن شماش يخليها في "الهاكا"،
ولا غير كذوب ؟
واش هي اللي محيت ما دارهاش حكيم خرجت في الأوديو الشهير
تاتقول أنها كانت تاتسنى التعيين كرايسة ديال "الهاكا"، وأن ما بحال كفاءتها
حتى واحد، و أنها ما عندها ما تدير بالأوسمة، وأن... وأن.... واش صحيح و لا غير كذوب
؟
أما الأخت ميلودة حازب فهي تاج على راس الباميين كاملين:
أخلاق و عفة و كفاءة عالية. دارت خدمة كبيرة كرئيسة الفريق البرلماني ديال البام، و
ضرت بن كيران في النقاش. و كان خاص الحزب يشجعها ويقترحها تمشي سفيرة ولا مديرة مؤسسة
كبيرة، ولا يزكيوها غير في 2016 في دائرة مربوحة، باش ترجع تكمل الخدمة في البرلمان.
برافو الأخت و الرفيقة ميلودة المناضلة الكبيرة.
و الأستاذة رجاء أزمي، رئيسة المنظمة ديال النساء، امرأة
عفيفة، وقادة بعشرة ديال المنظمات ماشي وحدة. محامية ناجحة بعرقها و جهدها، و عندها
رزقها. ما سعات، ما سرقات، ما باعت ما شرات. وبلاصتها كان خاصها تكون في البرلمان في
رأس اللائحة الوطنية... بحالها وبحال بزاف ديال الرفيقات ليلى و أسماء و سليمة و زهور...
ولكن حاربوها. علاش ما دافعش عليها بن شماش تدخل البرلمان ف 2016؟
بلا مزايدات و بلا هضرة خاوية... خديجة بوحدها دايرة الفتنة
في الحزب. سبات الأمين العام و عايرات فيه حتى شبعات محيت ما عينهاش في الهاكا، و سبات
المعزوز و حسداتو. و منين قالها بن شماس تكوني راس اللائحة الوطنية في 2021 سكتت. و
دابة هي اللي تاتوجد وتاتختار صحاباتها و تاتقولهم غادي ياخدو التزكيات في اللائحة
الوطنية. و راكم عارفين لاش.
وهي اللي ما خلاتش حكيم و العربي يتصالحو مع المعارضين ديالهم.
أنا عارفة شنو تانكول. حكيم و العربي قالو الله ينعل الشيطان. ولكن أسلوبها شيطاني
واعر. تاتستاغل كل الطرق باش يتشتت الحزب اللي ما خلاهاش رئيسة الهاكا و ما عينهاش
سفيرة. رجعو شوفو الفيديو ديال المكتي السياسي تهديدها للحموتي و الكره ديالها ليه.
علاش حيت مناضل تايحتارموه الرفاق؟
حيدو خديجة و هي تصفى القلوب كيف كانت صافية أيام با إلياس...
هو اللي عرف السم ديال ديك السيدة. جربو صيمانة وحدة بلا خديجة و تشوفو.
أما حياتها الخاصة هاديك شغلها و ما شغل حتى رفيق و مناضل
يدخل في داكشي. سمحوا ليا. كلشي يديها في الجهة اللي ضاراه. ما حناش ملائكة. حنا كندويو
في السياسة و الحزب، ماشي في العلاقات الخاصة خط أحمر.
مناضلة صامتة.